Psa 24 | IboBIU | STEP | Abụ Ọma Devid. Ụwa na ihe niile dị nʼime ya bụ nke Onyenwe anyị ; ụwa na ndị niile bi nʼime ya.

Psalms 24

Abụ Ọma Devid.

Eze onyenwe ebube

1 Ụwa na ihe niile dị nʼime ya bụ nke Onyenwe anyị;
ụwa na ndị niile bi nʼime ya.
2 Ọ tọrọ ntọala ya nʼime oke osimiri niile,
o mekwara ka o guzosie ike.

3 Onye bụ onye ahụ nwere ike irigo nʼelu ugwu Onyenwe anyị?
Onye nwere ike ịbata guzo nʼime ụlọnsọ ya?
4 Ọ bụ onye aka ya emeghị ihe ọjọọ, obi ya dịkwa ọcha,
onye na-adịghị atụkwasị obi na chi arụsị,
maọbụ ṅụọ iyi aghụghọ.

5 Ha ga-anata ngọzị site nʼaka Onyenwe anyị,
natakwa mkpepụta site nʼaka Chineke Onye nzọpụta ha.
6 Otu a ka ọ ga-adịrị ọgbọ ndị ya,
bụ ndị na-achọ ihu gị, Chineke nke Jekọb. Sela

7 Welitenụ isi unu, unu ọnụ ụzọ ama,
meenụ ka isi unu bụrụ ihe e welitere, unu ọnụ ụzọ ama ochie,
ka eze ebube nwee ike ịbata.
8 Onye bụ eze ebube ^a a?
Ọ bụ Onyenwe anyị, onye bụ dimkpa na dike.
Ọ bụ Onyenwe anyị, onye bụ dike nʼagha.
9 Welitenụ isi unu, unu ọnụ ụzọ ama,
buliekwanụ ha elu, unu ọnụ ụzọ ama ochie,
ka Eze ebube nwee ike ịbatakwa.
10 Onye bụ eze ebube a?
Ọ bụ Onyenwe anyị, Onye pụrụ ime ihe niile,
ọ bụ ya bụ Eze ebube! Sela